TNEA: பொறியியல் படிப்புக்கான கலந்தாய்வு தொடங்கியது!

0
67

நடப்பு ஆண்டில் பொறியியல் படிப்புக்கான கலந்தாய்வு சென்னை தரமணியில் உள்ள மத்திய பாலிடெக்னிக் கல்லூரியில் இன்று தொடங்கியது. முதல் நாளான இன்று சிறப்பு பிரவினர்கள் கலந்து கொண்டனர்.

TNEA: பொறியியல் படிப்புக்கான கலந்தாய்வு தொடங்கியது!
தமிழகத்தில் இந்தாண்டு பொறியியல் படிப்புக்கான கலந்தாய்வு தொடங்கியுள்ளது. முதற்கட்டமாக சிறப்பு பிரிவினர்களுக்கான (மாற்றுத்திறனாளிகள்) இன்று நடைபெற்றது.

தமிழகத்தில் பொறியியல் படிப்புக்கான கலந்தாய்வை இதுவரையில் ஒவ்வொரு ஆண்டும் அண்ணா பல்கலைக்கழகம் தான் நடத்தி வந்தது. ஆனால், இந்த ஆண்டு முதல் தொழல்நுட்ப கல்வி இயக்குனரகம் நடத்துகிறது.

இந்நிலையில், இந்தாண்டு பொறியியல் படிப்புக்கான கலந்தாய்வுக்கு விண்ணப்பித்த 1 லட்சத்து 400 மாணவர்களின் தரவரிசைப் பட்டியல் கடந்த வியாழனன்று வெளியிடப்பட்டது. இதைத் தொடர்ந்து சென்னை தரமணியில் உள்ள மத்திய பாலிடெக்னிக் கல்லூரியில் பொறியியல் படிப்புக்கான கலந்தாய்வு இன்று தொடங்கியது. இன்று முதல் மூன்று நாட்களுக்கு சிறப்பு பிரிவினர்களுக்கு மட்டும் கலந்தாய்வு நடைபெறுகிறது.

முதல் நாளான இன்று மாற்றுத்திறனாளிகளுக்கான கலந்தாய்வு நடைபெற்றது. காலை 9.30 மணிக்கு தொடங்கிய இந்த கலந்தாய்வு மாலை 4.30 மணி வரையில் நடைபெறுகிறது. நாளை நடைபெறும் கலந்தாய்வு, முன்னாள் ராணுவ வீரர்களின் வாரிசுகளுக்கு நடைபெறுகிறது. இந்த கலந்தாய்வு ஏழு பிரிவுகளாக நடைபெறுகிறது.

இதையடுத்து நாளை மறுநாள் (3வது) விளையாட்டு பிரவு மாணவர்களுக்கு எட்டு பிரிவுகளாக நடைபெறுகிறது. பிளஸ் 2 தொழில்பிரிவு மாணவர்களுக்கான கலந்தாய்வு நாளை முதல் 28ம் தேதி வரையில் நடைபெறுகிறது. இது ஏழு பிரிவுகளாக நடைபெறுகிறது. பொதுப்பிரிவு மாணவர்களுக்கு ஜூலை 3ம் தேதி முதல் ஆன்லைன் மூலமாக கலந்தாய்வு நடைபெறுகிறது.

LEAVE A REPLY

Please enter your comment!
Please enter your name here