B.Ed கவுன்சிலிங்கில் வெறும் 33 பி.இ மாணவர்கள் மட்டுமே கலந்து கொண்டனர்!

0
461

தமிழகத்தில் பி.எட் படிப்புக்கான கலந்தாய்வில், இன்ஜினியரிங் மாணவர்களுக்கான இடஒதுக்கீட்டில் பாதிக்கு மேலான இடங்கள் காலியாக உள்ளது.

B.Ed கவுன்சிலிங்கில் வெறும் 33 பி.இ மாணவர்கள் மட்டுமே கலந்து கொண்டனர்!
பி.எட் படிப்பு சேர்க்கைக்கான கலந்தாய்வில் கலந்து கொள்ள பி.இ மாணவர்களுக்கு 71 இடங்கள் ஒதுக்கப்பட்டிருந்த நிலையில், வெறும் 33 மாணவர் மட்டுமே பங்கேற்றனர். 38 இடங்கள் காலியாக உள்ளது.

தமிழகத்தில் இன்ஜினியரிங் முடித்தவர்களுக்கு வேலைவாய்ப்பு அளிக்கும் வகையில், கடந்த 2015-16 கல்வியாண்டு முதல், பி.எட் படிப்பில் சேருவதற்கு, பி.இ மாணவர்களுக்கு 20% இடஒதுக்கீடு வழங்கப்பட்டது. இருப்பினும் இன்ஜினியரிங் முடித்தவர்கள் பி.எட் படிப்பில் சேர ஆர்வம் காட்டாததால், அந்த இடஓதுக்கீடு 5% ஆக குறைக்கப்பட்டது.

இதனையடுத்து இன்ஜினியரிங் கல்வித்தரத்தை உயர்த்துவதற்காக பி.இ பேராசிரியர்கள் பி.எட் படிப்பு முடித்திருக்க வேண்டும் என்று அகில இந்திய தொழில்நுட்பக் கல்வி கவுன்சில் (A.I.C.T.E) அமைப்பு கட்டாயமாக்கப்பட்டது. இதனால், இந்த ஆண்டு பி.எட் படிப்பில் இன்ஜினியரிங் மாணவர்களின் சேர்க்கை அதிகரிக்கும் என்று எதிர்பார்க்கப்பட்டது.

ஆனால், எதிர்பார்ப்புக்கு மாறாக தற்போது நடந்துள்ள பி.எட் கவுன்சிலிங்கில், இன்ஜினியரிங் மாணவர்கள் வெறும் 33 பேர் மட்டுமே கலந்து கொண்டனர். 38 இடங்கள் காலியாக உள்ளது. இந்த கல்வியாண்டில் மொத்தம் 2,040 இடங்கள் உள்ளது. இதில் பி.இ முடித்தவர்களுக்கான 5 சதவீத இடஒதுக்கீட்டின்படி, இன்ஜினியரிங் முடித்தவர்களுக்கு 71 இடங்கள் உள்ளது.

Also Read This:
காஷ்மீர் மாணவர்கள் மீது ‘தனி கவனம்’ இருக்கட்டும்: ஏஐசிடிஇ அறிவுறுத்தல்
தமிழக ஆராய்ச்சியாளர்களுக்கு 10 ஆயிரம் ரூபாய் உதவித்தொகை!
1.35 லட்சம் தமிழக மாணவர்களுக்கு மத்திய அரசு உதவித்தொகை:

இந்தாண்டு பி.எட் படிப்புக்கான ஒற்றை சாளர கலந்தாய்வு சென்னை காமராஜர் சாலையில் உள்ள, வில்லிங்டன் சீமாட்டி கல்வியியல் கல்லூரியில் தொடங்கியுள்ளது. முதல் நாளான நேற்று (வியாழன்), மாற்றுத்திறனாளிகள், முன்னாள் ராணுவ வீரர்களின் வாரிசுகள், பி.இ முடித்தவர்களுக்கு நடைபெற்றது.

இவற்றில் முன்னாள் ராணுவ வீரர்களின் வாரிசுகள் (18 இடங்கள்), உடல்பாதிப்பு மாற்றுத்திறனாளிகள் (36 இடங்கள்) பிரிவுகள் முழுமையாக நிரம்பின. பி.இ முடித்தவர்கள் பிரிவுகளில் மட்டும் 78 இடங்களில் வெறும் 33 இடங்கள் நிரம்பியது.

LEAVE A REPLY

Please enter your comment!
Please enter your name here