25% RTE இடஒதுக்கீடு வழங்காத சி.பி.எஸ்.இ பள்ளிகள் மீது கடும் நடவடிக்கை: அமைச்சர் செங்கோட்டையன்

0
26

சி.பி.எஸ்.இ ஸ்கூல்ஸ் மேனேஜ்மெண்ட் அசோசியேஷன் சார்பில் பள்ளிக்கல்வித்துறை அமைச்சர் செங்கோட்டையனுக்கு பாராட்டு விழா நடைபெற்றது. பின்னர், செய்தியாளர்களைச் சந்தித்த அமைச்சர் செங்கோட்டையன் பேசியதாவது:

‘இன்று படிக்கின்ற மாணவர்களின் எண்ணிக்கை கூடுதலாகவும், சிறந்த கல்வி கொடுக்கக் கூடிய மாநிலமாக தமிழகம் திகழ்கிறது. மத்திய மனிதவளத்துறை அமைச்சர் பிரகாஷ் ஜாவடேகர் புதிதாக கொண்டு வந்துள்ள பாடத்திட்டம், இந்தியாவில் எந்த மாநிலத்திலும் இல்லை. அதை உருவாக்கும் வேண்டும் என்ற நோக்கத்தோடு அவரும் உயர் அதிகாரிகளை அழைத்து அந்த பணிகளை மேற்கொள்வதாக பேசியுள்ளார். அந்த அளவுக்கு நம்முடைய கல்வி முறைகளில் மாற்றம் ஏற்பட்டுள்ளது. இன்னும் பல மாற்றங்கள் ஏற்படுத்தப்படும்.

நீட் தேர்வுக்காக நேற்று 412 மையங்கள் திறக்கப்பட்டு அந்த பணிகள் தொடங்கப்பட்டுள்ளது. ஒவ்வொரு பணிகளும் மாணவர்களின் எதிர்காலத்தை கருத்தில் கொண்டு அரசு செயல்படுத்தி வருகிறது. சிபிஎஸ்இ கல்வி நிறுவனங்கள் ஒருங்கிணைந்து நிகழ்ச்சிகளை நடத்தியுள்ளனர். ஆகவே, எல்லோரும் ஒருங்கிணைந்து தமிழ்நாட்டில் வாழ்கின்ற மாணவர்கள், உலக அளவில் சிறந்த கல்வியாளர்களாக அனைத்து துறைகளிலும் வரவேண்டும். அந்த நோக்கம் நம் அனைவரிடத்திலும் உள்ளது. அந்த நோக்கத்தை நிறைவேற்றுவோம்.

கட்டாயக்கல்விச் சட்டத்தின்படி, அனைவருக்கும் கல்வி வழங்க வேண்டும். ஒன்றரை கிலோமீட்டர் தொலைவுக்கு உள்ள எந்த பள்ளியாக இருந்தாலும், அதில் மாணவர்கள் சேர்க்கப்பட வேண்டும். அவ்வாறு சேர்க்கப்படாவிட்டால் உரிய நடவடிக்கை எடுக்கப்படும்.

இந்தியாவில் எந்த மாநிலத்திலும் இல்லாத அளவுக்கு தமிழகத்தில் நீட் தேர்வு பயிற்சி அளிக்கப்படுகிறது. முதலில் அளிக்கப்பட்ட நீட் பயிற்சியைக் காட்டிலும், அடுத்தடுத்த ஆண்டில் வழங்கப்படும் நீட் தேர்வு பயிற்சியில் முன்னேற்றம் ஏற்பட்டுள்ளது. இந்த பயிற்சியின் மூலம் இந்தாண்டு நீட் தேர்வில் அதிக தேர்ச்சி இருக்கும்’. இவ்வாறு அமைச்சர் செங்கோட்டையன் தெரிவித்துள்ளார்.

LEAVE A REPLY

Please enter your comment!
Please enter your name here