100 கலாம்களை உருவாக்கும் திட்டம்! ம.பி. மாவட்ட நிர்வாகம் அறிவிப்பு

0
10

மத்தியப் பிரதேச மாநிலத்தில் 100 மாணவ மாணவிகளைத் தேர்ந்தெடுத்து அவர்களை நீட், ஐஐடி நுழைவுத் தேர்வுகளுக்குத் தயார்படுத்தும் திட்டத்தை இந்தூர் மாவட்ட நிர்வாகம் அறிவித்துள்ளது.

சூப்பர் 30 என்ற அமைப்பு பீகார் மாநிலத்தில் ஆண்டுதோறும் 30 மாணவ மாணவிகளைத் தேர்ந்தெடுத்து அவர்களுக்கு ஐஐடியில் சேர்வதற்கான நுழைவுத் தேர்வுக்கு பயிற்சி அளிக்கிறது. இத்திட்டத்தைத் தொடங்கியவர் பாட்னாவைச் சேர்ந்த கல்வியாளர் ஆனந்த் குமார். இவரது சூப்பர் 30 திட்டத்தில் பயற்சி பெற்ற பெரும்பாலான மாணவர்கள் சிறந்த மதிப்பெண்கள் பெற்று ஐஐடியில் சேர்ந்துள்ளனர்.

சிபிஎஸ்இ 10ஆம் வகுப்பு கணிதத் தேர்வு: வினாத்தாளை மாணவர்களே தேர்வு செய்யலாம்!

இவரது வாழ்க்கை வரலாற்றுத் திரைப்படம் இந்தியில் நடிகர் ஹிரித்திக் ரோஷன் நடிப்பில் வெளியாகியுள்ளது. இந்நிலையிர், ஆனந்த் குமாரின் சூப்பர் 30 போன்ற முயற்சியை மத்தியப் பிரதேச மாநிலத்தின் இந்தூர் மாவட்ட நிர்வாகமும் தொடங்க உள்ளது.

புராஜெட் 100 கலாம் ( Project 100 Kalam) என்று பெயரிடப்பட்டுள்ள இந்தத் திட்டத்தின் கீழ் 100 மாணவர்கள் தேர்வு செய்யப்பட்டு அவர்களுக்கு போட்டித் தேர்வுகளுக்கான பயற்சியை அளிக்க உள்ளது. நீட், ஐஐடி நுழைவுத் தேர்வுகளுக்காக இந்த மாணவர்கள் தயார்படுத்தப்படுவார்கள். தங்குமிடம் மற்றும் உணவு வசதிகளையும் மாவட்ட நிர்வாகம் இலவசமாக வழங்கும்.

‘ஜெய் ஸ்ரீ ராம்’ முழக்கத்தால் ஏற்படும் தீமைகள் யாவை? 10ஆம் வகுப்பு தேர்வில் கேள்வி

இந்தத் திட்டம் அரசுப் பள்ளிகளில் பயிலும் பொருளாதாரத்தில் பின்தங்கிய மாணவர்கள் பயன் அடையும் நோக்கில் தொடங்கப்படுகிறது. இவர்கள் தவிர அரசு ஊழியர்களின், காவல்துறையினர் உள்ளிட்டவர்களின் வாரிசுகள் பள்ளிப்படிப்பை 70% மதிப்பெண்களுக்கு மேல் பெற்று தேர்ச்சி பெற்றிருந்தால் இந்த பயிற்சியில் சேர்வதற்கான நுழைவுத் தேர்வை எழுதலாம்.

வரும் ஆகஸ்ட் 16, 2019 வரை http://www.indore.nic.in என்ற இணையதளத்தில் நுழைவுத் தேர்வுக்கு விண்ணப்பிக்கலாம். செப்டம்பர் மாதம் 1ஆம் தேதி முதல் தேர்வாகும் 100 மாணவர்களுக்கு பயற்சி ஆரம்பிக்கும்.

சிபிஎஸ்இ தேர்வுக் கட்டண உயர்வு: எஸ்சி, எஸ்டி மாணவர்களுக்கு 24 மடங்கு அதிகம்

LEAVE A REPLY

Please enter your comment!
Please enter your name here