மத்திய பல்கலைக்கழகங்களில் 6,688 ஆசிரியர் பணியிடங்கள் காலியாக உள்ளது!

0
68

மத்திய பல்கலைக்கழகங்களில் 6,688 ஆசிரியர் பணியிடங்கள் காலியாக உள்ளதாக மத்திய மனிதவள மேம்பாட்டு துறை அமைச்சகம் தெரிவித்துள்ளது.

நாடாளுமன்ற கேள்வி நேர அமர்வில், மத்திய மனிதவள மேம்பாட்டுத் துறை அமைச்சர் ரமேஷ் பொக்ரியால், மத்திய பல்கலைக்கழகங்களில் காலியிடங்கள் குறித்து உரையாற்றினார். அப்போது பேசிய அவர், மத்திய பல்கலைக்கழகங்களில் ஒட்டு மொத்தமாக 18 ஆயிரத்து 243 ஆசிரியர் பணியிடங்களும், 34 ஆயிரத்து 928 ஆசிரியர் அல்லாத பணியிடங்களும் உள்ளது. இவற்றில் 6688 ஆசிரியிர் பணியிடங்கள் காலியாக உள்ளது. இதே போன்று, ஆசிரியர் அல்லாத பணிக்கு 12 ஆயிரத்து 323 காலியிடங்கள் உள்ளது. மத்திய பல்கலைக்கழகங்களில் ஏற்படும் காலியிடங்கள் நிரப்பும்படி அரசு சார்பிலும், யுஜிசி சார்பிலும் அறிவுறுத்தப்பட்டு வருகறது.

24 ஜனவரி 2020 தேதியின்படி, இவற்றில் 934 காலியிடங்கள் நிரப்பப்பட்டு விட்டது. 6,706 ஆசிரியர் பணியிடங்களை நிரப்புவதற்கான நடவடிக்கைகள் மேற்கொள்ளப்பட்டு வருகிறது. மேலும், NET / SET / Ph.D முடித்தவர்கள் ஆசிரியர் பணி பெறும் வகையில், பிரத்யேகமாக வேலைவாய்ப்பு தளத்தை தொடங்குவதற்கும் யுஜிசிக்கு ( www.ugc.ac.in) அறிவுறுத்தப்பட்டுள்ளது. இதன் மூலம் NET / SET / Ph.D முடித்தவர்கள், தங்களுடைய கல்வித்திறன்களை ஆன்லைனில் பதிவு செய்யலாம். அதனை மற்ற கல்வி நிறுவனங்களும் பார்க்க முடியும்.

பல்கலைக்கழகங்கள், கல்லூரிகளில் ஆசிரியர் காலியிடங்களை நிரப்புவதற்கு உண்டான வழிமுறைகளையும் யுஜிசி வழங்கி வருகிறது. அதே போல், காலியிடங்கள் நிரப்பப்படுவது தொடர்ந்து கண்காணிக்கப்பட்டு வருவதாகவும் அமைச்சர் தெரிவித்துள்ளார்.

LEAVE A REPLY

Please enter your comment!
Please enter your name here