நெல்லையில் எம்.பி.பி.எஸ் சீட் அதிகரிப்பு! ரூ. 20 கோடியில் புதிய கட்டிடம், நூலகம்..

0
162

திருநெல்வேலி மருத்துவக்கல்லூரியில் மருத்துவப்படிப்புக்கான இடங்கள் இந்தாண்டு அதிகரிக்கப்பட்டுள்ள நிலையில், அதற்கு ஏற்ப கட்டடிட வசதிகள், தேர்வு கூடங்கள், மாணவ விடுதிகளும் விரிவாக்கம் செய்யப்படுகிறது.

நெல்லையில் எம்.பி.பி.எஸ் சீட் அதிகரிப்பு! ரூ. 20 கோடியில் புதிய கட்டிடம், நூலக…
நெல்லை மருத்துவக்கல்லூரியில் இந்தாண்டு எம்.பி.பி.எஸ் சீட் எண்ணிக்கை 250 ஆக உயர்த்தப்பட்டதை அடுத்து, தற்போது 20 கோடி ரூபாயில் புதிய கட்டடம், நூலகம், தேர்வறை கட்டும் பணிகள் முழுவீச்சில் நடைபெற்று வருகிறது.

நாடு முழுவதும் உள்ள மருத்துவக்கல்லூரிகளில் இந்தாண்டு 4,500 எம்பிபிஎஸ் சீட் அதிகரிக்கப்பட்டுள்ளது. இதனை இந்திய மருத்துவ கவுன்சில் மத்திய குடும்ப மற்றும் சுகாதாரத்துறைக்கு அனுப்பிய கடிதத்தில் தெரிவிக்கப்பட்டுள்ளது. அதன்படி, மொத்தம் 33 மருத்துவக்கல்லூரிகளில் எம்பிபிஎஸ் இடங்கள் அதிகரிக்கப்பட்டுள்து. இதில் பெரும்பாலும் நேரடி மருத்துவமனை-மருத்துவக்கல்லூரிகள் ஆகும்.

தமிழகத்தைப் பொறுத்தவரையில், மொத்தம் உள்ள அரசு மருத்துவக்கல்லூரிகளில் 3 ஆயிரம் எம்பிபிஎஸ் சீட் உள்ளது. கரூரில் தற்போது புதிதாக தொடங்கப்பட்டுள்ள மருத்துவக்கல்லூரியில் 150 இடங்கள் உள்ளது. இதே போல் திருநெல்வேலி, மதுரை மருத்துவக்கல்லூரிகளில் தலா 100 இடங்கள் கூடுதலாக்கி, மாணவர் சேர்க்கை நடத்த இந்திய மருத்துவ கவுன்சில் அனுமதி வழங்கியுள்ளது. எனவே, இந்தாண்டு மொத்தம் நமக்கு சுமார் 350 எம்பிபிஎஸ் சீட் கூடுதலாக கிடைத்துள்ளது.

திருநெல்வேலி மருத்துவக்கல்லூரியில் ஏற்கனவே 135 இடங்கள் உள்ளது. தற்போது புதிதாக 100 இடங்கள் உயர்த்தப்பட்டுள்ளது. இதனால் அடுத்த ஐந்து ஆண்டுகளில் இங்கு பயிலும் மாணவ, மாணவிகளின் எண்ணிக்கை ஐந்து மடங்காக உயரும். இதனை கருத்தில் கொண்டு, தற்போது நெல்லை மருத்துவக் கல்லூரியில் 20 கோடி ரூபாய்க்கு புதிய கட்டடம் பணிகள் முழுவீச்சில் நடைபெற்று வருகிறது. பெரிய அளவிலான தேர்வு கூடம், ஆய்வக அறை, உட்கட்டமைப்பு வசதிகள் ஏற்படுத்தப்படுகிறது.

மேலும், ஐகிரவுண்ட் புதிதாக கட்டப்பட்டுள்ள பல்நோக்கு மருத்துவமனைக்கு எதிராக உள்ள ஆடவர் விடுதிகளும் விரிவுபடுத்தப்படுகிறது. இதே போல், மருத்துவகல்லூரி பணியாளர்களுக்கு என பிரத்யேகமாக குடியிருப்பு வசதிகளும் ஏற்படுத்தப்படுகிறது.

LEAVE A REPLY

Please enter your comment!
Please enter your name here