தமிழகத்தில் மருத்துவம் சார்ந்த பட்டப்படிப்புகளுக்கான மாணவர் சேர்க்கை அறிவிப்பு!

0
287

தமிழகத்தில் மருத்துவம் சார்ந்த பட்டப்படிப்புகளுக்கான மாணவர்கள் சேர்க்கை அறிவிப்பு வெளியாகியுள்ளது. இதில் உள்ள முக்கிய விபரங்களை இங்கு காணலாம்.

தமிழகத்தில் மருத்துவம் சார்ந்த பட்டப்படிப்புகளுக்கான மாணவர் சேர்க்கை அறிவிப்பு!
மருத்துவம் சார்ந்த பட்டப்படிப்பில் சேருவதற்கான அட்மிஷன் அறிவிப்பு வெளியாகியுள்ளது. இது தொடர்பாக தமிழ்நாடு மருத்துவக் கல்வி இயக்ககம் அறிவிக்கை வெளியிட்டுள்ளது.

அதன்படி, பி.எஸ்.சி (நர்சிங்) / பி.பார்ம் / பி.ஏ.எஸ்.எல்.பி (செவித்திறன் பேச்சு மற்றும் மொழி நோய்க் குறியியல் பட்டப்படிப்பு) / பிபிடி பி.எஸ்.சி ரேடியோகிராபி மற்றும் இமேஜிங் டெக்னாலாஜி / பி.எஸ்.சி. ரேடியோ தெரபி டெக்னாலாஜி / பி.எஸ்.சி கார்டியோ பல்மோனரி பெர்பியூசன் டெக்னாலாஜி / பி.எஸ்.சி மெடிக்கல் லேபராட்டரி டெக்னாலஜி /

பி.எஸ்.சி. டயாலிசிஸ் டெக்னாலஜி / பி.எஸ்சி. ஆப்பரேசன் மற்றும் அனஸ்தீசியா டெக்னாலஜி / பி.எஸ்.சி கார்டியாக் டெக்னாலஜி / பி.எஸ்சி. ஆக்ஸிடன்ட் எமர்ஜென்சி கேர் டெக்னாலஜி / பி.எஸ்சி. ரெஸ்பிரேட்டரி தெரபி / பிஒடி பி.ஆப்டம் ஆகியவை மருத்துவம் சார்ந்த படிப்புகள் என்று வரையறுக்கப்பட்டுள்ளது.
( திறந்த, தொலைநிலை கல்வி: மதுரை, நெல்லை பல்கலை.,களுக்கு யுஜிசி அனுமதி)

மேற்கண்ட படிப்புகளில் சேருவதற்கான மாணவர் சேர்க்கைக்கான விண்ணப்பங்கள் வரவேற்க்கப்படுகிறது. தமிழ்நாட்டைச் சேர்ந்த மாணவர்களுக்கு மட்டும் இந்த சேர்க்கை நடத்தப்படுகிறது. விண்ணப்பதாரர்கள் http://www.tnhealth.org / www.tnmedicalselection.org என்ற இணையதள முகவரியில் உள்நுழைய வேண்டும். அதில் கொடுக்கப்பட்ட தகவல் குறிப்பேட்டை படித்துவிட்டு, அதன்படி விண்ணப்பப் படிவங்களில் கேட்கப்பட்ட தகவல்களை பதிவேற்றம் செய்ய வேண்டும்.

விண்ணப்பம் பதிவு தொடங்கும் நாள்: 9 ஆகஸ்ட் 2019, காலை 10.00 மணி
விண்ணப்பப் பதிவிற்கான கடைசி நாள்: 19 ஆகஸ்ட் 2019 மாலை 5.00 மணி

B.Ed கவுன்சிலிங்கில் வெறும் 33 பி.இ மாணவர்கள் மட்டுமே கலந்து கொண்டனர்!

விண்ணப்ப படிவம் மற்றும் தகவல் தொகுப்பேட்டிற்கான கட்டணம் 400 ரூபாய் என்று நிர்ணயிக்கப்பட்டுள்ளது. விண்ணப்பதாரர்கள் இதனை டெபிட்/கிரேடிட் கார்டு மூலமாகவோ, ஆன்லைன் பணப்பரிவர்த்தனை மூலமாகவோ செலுத்தலாம்.

ஆன்லைன் மூலமாக பணம் செலுத்த முடியாதவர்கள் ஏதாவது ஒரு வங்கியில் டிடி எடுக்கலாம். டிடி முகவரி: The Secretary, Selection ommittee, Kilpauk, Chennai – 10. தாழ்த்தப்பட்டோர்/ தாழ்த்தப்பட்டோர் (அருந்ததியர்), பழங்குடியினர் வகுப்பைச் சோர்ந்த மாணவர்களுக்கு விண்ணப்பப்படிவக் கட்டணம் செலுத்த தேவையில்லை. அவர்களுக்கு கட்டணம் செலுத்துவதில் இருந்து விலக்கு அளிக்கப்படுகிறது.

முன்னாள் ராணுவ வீரர்களின் வாரிசுகள், மாற்றுத்திறனாளிகள் சிறப்பு ஒதுக்கீட்டு பிரிவின் கீழ் வருவார்கள். அவர்கள், அதற்குரிய சிறப்புப் பிரிவு படிவங்களை பூர்த்தி செய்து பொதுப்பிரவு விண்ணப்பத்துடன் சேர்த்து ஒரே தபாலில் அனுப்ப வேண்டும். தனியாக அனுப்பப்படும் சிறப்பு ஒதுக்கீட்டிற்கான இணைப்புப் படிவம் ஏற்றுக்கொள்ளப்பட மாட்டாது. ஒவ்வொரு சிறப்புப் பிரிவிற்கும் தனித்தனியாக ரூபாய் 100 வீதம் விண்ணப்ப கட்டணம் இணையதள வங்கி செலுத்துதல் மூலமாகவோ அல்லது கேட்பு வரைவோலையாகவோ செலுத்தலாம்.

பூர்த்தி செய்து பதிவேற்றம் செய்த விண்ணப்பப் படிவத்தினை பிரிண்ட் அவுட் எடுத்து, தேவையான சான்றிதழ்கள் ஜெராக்ஸ் இணைத்து நேரிலோ அல்லது தபால் மூலமாகவோ கீழ்கண்ட முகவரிக்கு அனுப்பி வைக்க வேண்டும். இதற்கான கடைசி நாள் 21 ஆகஸ்ட் 2019 மாலை 5.00 மணி. கடைசி தேதிக்கு பின்னர் தாமதாக வரும் விண்ணப்பங்கள் ஏற்றுக் கொள்ளப்படாது.

விண்ணப்பத்தினை அனுப்ப வேண்டிய முகவரி:
செயலாளர்,
தேர்வுக் குழு,
162, ஈவே.ரா பெரியார் நெடுஞ்சாலை,
கீழ்ப்பாக்கம், சென்னை – 600 010

உதவி நம்பர்:
9884 224 648
9884 224 649
9884 224 745
9884 224 746

மின்னஞ்சல் முகவரி: paramedicalselection@gmail.com

LEAVE A REPLY

Please enter your comment!
Please enter your name here