சிபிஎஸ்இ 10ஆம் வகுப்பு கணிதத் தேர்வு: வினாத்தாளை மாணவர்களே தேர்வு செய்யலாம்!

0
77

ஒருவர் இரண்டில் ஒரு தாளுக்கு மட்டுமே தேர்வு எழுத முடியும். மாணவ மாணவிகள் தேர்வுக்குப் பதிவு செய்யும்போது இரண்டு தாள்களில் ஏதேனும் ஒன்றை தேர்வு செய்துகொள்ளலாம்.

சிபிஎஸ்இ 10ஆம் வகுப்பு கணிதத் தேர்வு: வினாத்தாளை மாணவர்களே தேர்வு செய்யலாம்!
ஹைலைட்ஸ்
அடிப்படை கணிதத்தைத் தேர்வு செய்தால் 11ஆம் வகுப்பில் கணிதம் கிடையாது.
தரநிலைக் கணிதம் அடிப்படைக் கணிதத்தை விட கடினமாகவும் இருக்கும்.
2020ஆம் ஆண்டுக்கான சிபிஎஸ்இ 10ஆம் வகுப்புப் பொதுத்தேர்வில் கணிதப் பாடத்துக்கு இரண்டு தாள்களாக தேர்வு நடத்தப்படும் என அறிவிக்கப்பட்டுள்ளது.

சிபிஎஸ்இ நிர்வாகம் சார்பில் இது தொடர்பாக பள்ளிகளுக்கு சுற்றறிக்கை அனுப்பிவைக்கப்பட்டுள்ளது. இதில், கூறியிருக்கும் விவரங்கள் பின்வருமாறு,

வரும் 2020ஆம் ஆண்டில் நடைபெற உள்ள சிபிஎஸ்இ 10ஆம் வகுப்புப் பொதுத்தேர்வில் அடிப்படை கணிதம் (Basic Mathematics) மற்றும் தரநிலை கணிதம் (Standard Mathematics) என இரண்டு தாள்களாக தேர்வு நடத்தப்படும்.

ஒருவர் இரண்டில் ஒரு தாளுக்கு மட்டுமே தேர்வு எழுத முடியும். மாணவ மாணவிகள் தேர்வுக்குப் பதிவு செய்யும்போது இரண்டு தாள்களில் ஏதேனும் ஒன்றை தேர்வு செய்துகொள்ளலாம்.

அடிப்படை கணிதத்தைத் தேர்வு செய்தவர்களுக்கு 11ஆம் வகுப்பு கணிதப் பாடத்தைப் படிக்க முடியாது. எனவே, 11ஆம் வகுப்பில் கணிதப் பாடத்தை தொடர்ந்து படிக்க விரும்பினால் தரநிலைக் கணிதத் தாளைத் தேர்ந்தெடுத்து பொதுத்தேர்வை எழுத வேண்டும்.

அடிப்படை கணிதம் (Basic Mathematics) மற்றும் தரநிலை கணிதம் (Standard Mathematics) ஆகிய இரண்டு தாள்களுக்கு பாடத்திட்டம் ஒன்றுதான். என்றாலும் இரண்டுக்கும் வினாத்தாள் மாறுபடும். அடிப்படைக் கணிதம் எளிமையாகவும் தரநிலைக் கணிதம் அதைவிடக் கடினமாகவும் இருக்கும்.

மாணவ மாணவிகளின் பெற்றோர் இறந்திருந்தால் அவர்கள் அதற்கான இறப்புச் சான்றிதழைக் கட்டாயம் சமர்ப்பிக்க வேண்டும். நீண்ட நாட்கள் விடுமுறை எடுத்திருந்த மாணவி மாணவிகள் மருத்துவச் சான்றிதழைச் சமர்ப்பிக்க வேண்டும்.

இந்தக் கல்வி ஆண்டுக்கான 10ஆம் வகுப்புப் பொதுத்தேர்வு செயற்முறைத் தேர்வுகள் டிசம்பர் மாதம் தொடங்கலாம் எனத் கூறப்படுகிறது. அதற்கான அட்டவணை நவம்பர் இறுதியில் வெளியாகலாம். எழுத்துத் தேர்வு பிப்ரவரி மாதம் தொடங்கும் வகையில் அட்டவணை தயாரிக்கப்படுகிறது எனத் தகவல்கள் கிடைக்கின்றன.

LEAVE A REPLY

Please enter your comment!
Please enter your name here