சிபிஎஸ்இ தேர்வுக் கட்டண உயர்வு: எஸ்சி, எஸ்டி மாணவர்களுக்கு 24 மடங்கு அதிகம்

0
10

சிபிஎஸ்இ பள்ளிகள் 10 மற்றும் 12ஆம் வகுப்பு பொதுத்தேர்வுகளுக்காக பதிவு செய்வதற்கான கட்டணம் 5 பாடங்களுக்கு 10,000 ரூபாய் என உயர்த்தப்பட்டுள்ளது. 10ஆம் வகுப்பு மற்றும் 12ஆம் வகுப்பு பொதுத்தேர்வுகளுக்கு ஒரே கட்டணம் பொருந்தும்.

சிபிஎஸ்இ தேர்வுக் கட்டண உயர்வு: எஸ்சி, எஸ்டி மாணவர்களுக்கு 24 மடங்கு அதிகம்
ஹைலைட்ஸ்
எஸ்.சி., எஸ்டி. மாணவர்களுக்கான கட்டணம் ரூ.50 லிருந்து ரூ.1,200.
பொதுப்பிரிவு மாணவர்களுக்கு 1500 ரூபாய் கட்டணம்.
சிபிஎஸ்இ பத்தாம் வகுப்பு மற்றும் பன்னிரண்டாம் வகுப்பு தேர்வுகளுக்கு பதிவு செய்யும் கட்டணத்தை சிபிஎஸ்சி 24 மடங்கு வரை அதிகரித்துள்ளது.

சிபிஎஸ்இ பள்ளிகளில் 10ஆம் வகுப்பு பொதுத்தேர்வு எழுத 9ஆம் வகுப்பு படிக்கும்போதே பதிவு செய்ய வேண்டும். 12ஆம் வகுப்பு பொதுத்தேர்வு எழுத 11ஆம் வகுப்பிலேயே பதிவு செய்ய வேண்டும்.

இவ்வாறு பதிவு செய்வதற்கான தேர்வுக் கட்டணத்தை சிபிஎஸ்இ மாற்றியுள்ளது. இதில் எஸ்சி., எஸ்டி., பிரிவுகளைச் சேர்ந்த மாணவர்களுக்கான கட்டணம் 24 மடங்கு உயர்த்தப்பட்டுள்ளது. பொதுப்பிரிவைச் சேர்ந்த மாணவர்களுக்கு 2 மடங்கு மட்டுமே உயர்த்தப்பட்டுள்ளது.

ரூ.50 லிருந்து ரூ.1200!

ஏற்கெனவே உள்ள கட்டணத்தின் அடிப்படையில் பள்ளிகள் பொதுத்தேர்வுக்கு பதிவு செய்யத் தொடங்கிவிட்டன. இதனால், பதிவு செய்த மாணவர்களிடம் புதிய கட்டணம் அறிவிப்புக்கு இணைங்க மிச்ச பணத்தையும் அந்தப் பள்ளிகள் வசூலிக்க உள்ளன.

எஸ்.சி., எஸ்.டி மாணவர்களுக்கான கட்டணம் 5 பாடங்களுக்கும் 1,200 ரூபாய். ஏற்கெனவே இருந்த கட்டணம் வெறும் 50 ரூபாய்தான். இதுவரை 750 ரூபாய் கட்டணம் செலுத்திய பொதுப் பிரிவு மாணவர்களுக்கு 1500 ரூபாய் கட்டணம் நிர்ணயிக்கப்பட்டுள்ளது.

கூடுதல் பாடங்களுக்கான கட்டணம்

இவரை 12ஆம் வகுப்பில் எஸ்.சி, எஸ்.டி மாணவர்கள் ஐந்துக்கு மேற்பட்ட கூடுதல் பாடங்களுக்கு விண்ணப்பித்தால் கூடுதல் கட்டணம் விதிக்கப்படவில்லை. இனி அவர்கள் ஒவ்வொரு கூடுதல் பாடத்துக்கும் 300 ரூபாய் கட்டணம் செலுத்த வேண்டும். பொதுப் பிரிவினர் ஏற்கெனவே கூடுதல் பாடத்துக்கு 150 ரூபாய் வீதம் செலுத்திய நிலையில் இந்தக் கட்டணம் 300 ரூபாயாக உயர்த்தப்பட்டுவிட்டது. இதேபோல 12ஆம் வகுப்பில் கூடுதல் பாடத்துக்கான கட்டணம் 1000 ரூபாயிலிருந்து 2000 ரூபாயாகக் கூடியுள்ளது.

குடிபெயர்வுக் கட்டணம்

சிபிஎஸ்இ பள்ளிகள் 10 மற்றும் 12ஆம் வகுப்பு பொதுத்தேர்வுகளுக்காக பதிவு செய்வதற்கான கட்டணம் 5 பாடங்களுக்கு 10,000 ரூபாய் என உயர்த்தப்பட்டுள்ளது. இதற்கு முன் 5 பாடங்களுக்கு 5000 ரூபாய் என இருந்தது.

மேலும், குடிபெயர்வுக் கட்டணமும் 150 ரூபாயிலிருந்து 300 ரூபாயாக உயர்த்தப்பட்டுள்ளது. 10ஆம் வகுப்பு மற்றும் 12ஆம் வகுப்பு பொதுத்தேர்வுகளுக்கு இதே கட்டணம் பொருந்தும்.

LEAVE A REPLY

Please enter your comment!
Please enter your name here