ஆம்புலன்சில் அமர்ந்து 10ம் வகுப்பு தேர்வெழுதிய மாணவர்!

0
139

வேடசந்தூர் அருகே விபத்தில் கால்முவு ஏற்பட்ட 10 ஆம் வகுப்பு மாணவர் ஆம்புலச்யில் வைத்து தேர்வு எழுதிய சம்பவம் நடந்துள்ளது.

வேடசந்தூர் அருகே உள்ள விட்டலநாயக்கன்பட்டியில் பாலமுரளிகிருஷ்ணன் வசித்து வருகிறார். 15 வயதாகும் இவர் வேடசந்தூர் அரசு ஆண்கள் மேல்நிலைப்பள்ளியில் 10ம் வகுப்பு படித்து வருகிறார்.

இந்நிலையில் நேற்று முன்தினம் 10ம் வகுப்புத் தேர்வு எழுதிவிட்டு இருசக்கர வாகனத்தில் தனது வீட்டிற்கு சென்றுள்ளார். அப்போது எதிரில் வந்த வேன் அவர் மீது மோதியதில் பாலமுரளிகிருஷ்ணனுக்கு கால் முறிவு ஏற்பட்டது. இதனைத்தொடர்ந்து அக்கம்பக்கத்தினர் அவரை அரசு மருத்துவமனையில் அனுமதித்தனர். அங்கு அவருக்கு தீவிர சிகிச்சை வழங்கப்பட்டது.

இந்நிலையில் நேற்று 10ம் வகுப்பு ஆங்கிலப் பாடத்திற்கான தேர்வு நடைபெற்றது. பாலமுரளிகிருஷ்ணன் தேர்வு நடைபெறும் இடமான அவரது பள்ளிக்கு ஆம்புலன்சில் வந்தார். தேர்வு அறை மாடியில் இருந்ததால் அவரால் தேர்வு எழுத முடியாத நிலை ஏற்பட்டது. இந்நிலையில் கல்வி அதிகாரிகள் அவரை ஆம்புலன்சில் வைத்தே தேர்வு எழுத அனுமதித்தனர். மேலும் அவரை கண்கானிக்க ஆசிரியர் ஒருவரும் நியமிக்கப்பட்டார்.

கால்முறிந்த நிலையிலும் தேர்வு எழுதிய மாணவரின் மன உறுதியை ஆசிரியர்களும் சக மாணவர்களும் பாராட்டினர்.

LEAVE A REPLY

Please enter your comment!
Please enter your name here